De zejjer

vaan Wim Kallen, Mestreech

‘t zejje vaan spelt

oonder ‘ne prachtege regebaog

oontlok opgewèk gesjufel

in geng en höfkes

vaan korewouf en hazelmoes

bove dee veujzoame rege

heers oongedöld en vräög,

zig-zag acrobatiek en geflapper vaan houtdouf en ekster

me huurt ‘ne raof

en zuut ‘t beie vaan ‘ne torevalk

es e bevrore tippelke in de loch

dee hóngerege vogel

geit de muispercessie dao oonder astreln bleujeteg versteure

en de zejjer dee

zejt oonversteurbaar wijer